O vindeiro venres 27, o noso socio Santy Gutiérrez impartirá un obradoiro no espazo Escola Unitaria (Calz. de San Pedro, s/n, 15703 Santiago de Compostela, A Coruña). Esta é unha das actividades de AGPI enmarcadas na celebración do Día da Ilustración 2023.O horario será de 17:30 a 19:30h.
A cota de inscrición é de 3€ para socixs de AGPI e 10€ público en xeral. Podedes apuntarvos no seguinteenlace.
Sobre o obradoiro:
Durante as dúas horas do obradoiro, Santy fará un percorrido polas súas viñetas e procesos creativos, para despois propoñer ó conxunto dxs asistentes unha actividade.
Sobre Santy Gutiérrez
30 anos de experiencia como creador freelance: entre os seus clientes atópanse as principais editoriais nacionais e estranxeiras, empresas téxtiles, grupos de comunicación, axencias de publicidade, produtoras audiovisuais, institucións públicas e privadas, etc… ilustrando libros infantís e xuvenís para eles, educativos. , artigos de prensa, carteis, elaboración de viñetas, viñetas, story boards, deseño de personaxes, deseño téxtil, etiquetas, logotipos, murais e infinitos debuxos en todo tipo de materiais e soportes…
Tamén da charlas, obradoiros, conferencias, e participa en mesas redondas, debates, coloquios sobre ilustración, banda deseñada, sector editorial, literatura ilustrada, etc…
Membro fundador do estudio BAOBAB e ex presidente de AGPI e FADIP.
As cinco principais asociacións do sector do libro galego (Asociación Galega de Editoras, Asociación Galega de Profesionais da Ilustración, Asociación Galega de Profesionais da Tradución e Interpretación, Federación de Librarías de Galicia e Asociación de Escritores e Escritoras en Lingua Galega) non asistiremos ao Consello Asesor do Libro convocado pola Consellería de Cultura e Educación para o vindeiro 15 de xullo.
Consideramos que o desenvolvemento das xuntanzas deste Consello Asesor non está a ser útil para o noso sector, pois nelas non se vehiculan solucións ou saídas aos principais problemas que afectan ao mundo do libro galego. Ao mesmo tempo, queremos deixar constancia de que o Consello Asesor, cuxa creación foi unha demanda histórica do noso sector e así está recollido na Lei do Libro de 2006, é un organismo imprescindible onde abordar as principais liñas de traballo e de futuro para o libro galego.
ASOCIACIÓN DE ESCRITORES E ESCRITORAS EN LINGUA GALEGA ASOCIACIÓN GALEGA DE EDITORAS ASOCIACIÓN GALEGA DE PROFESIONAIS DA ILUSTRACIÓN ASOCIACIÓN GALEGA DE PROFESIONAIS DA TRADUCIÓN E INTERPRETACIÓN FEDERACIÓN DE LIBRARÍAS DE GALICIA
Coincidindo coa efeméride do nacemento de Castelao (30 de Xaneiro), celébrase unha nova edición do Día da Ilustración, que visibiliza ao sector da ilustración e lembra a sobranceiros artistas e o seu legado. O homenaxeado deste ano é Reimundo Patiño.
Reimundo Patiño (A Coruña 1936-1985). Pioneiro da arte contemporánea galega, tivo un temperán contacto coa obra de Seoane, Castelao e Souto. Os seus primeiros cadros datan de 1953 cando pintou a serie “As sardiñas”.
En 1958 trasládase a Madrid. Alí descubre a pintura de vangarda e participa na fundación do grupo Brais Pinto. Foi un dos fundadores do partido independentista UPG en 1964 e militante ata o 1971. Ano no que fundou a primeira galería experimental de Madrid, onde expuxo por vez primeira o cómic mural “O home que falaba vegliota”. Impulsor do movemento A Gadaña (pioneiro da arte informalista en Galicia) e o colectivo Estampa Popular Galega, que produciu gravados, obra gráfica e carteis cun forte compromiso sociopolítico.
A figura de Patiño transcende a etiqueta de artista polo seu pensamento e activismo político na cultura galega da posguerra. Nos anos 60 e 70, o piso de Reimundo en Madrid era un salientable lugar de reunión. Participou en mostras do grupo Atlántica. Finou en A Coruña pouco antes de cumprir 50 anos.
Na web do evento www.diadailustracion.gal, pódese consultar tamén máis información sobre Reimundo Patiño así como as actividades programadas para estes días nas bibliotecas de Galicia.
A Biblioteca de Galicia (Santiago de Compostela) acolle a mostra de Reimundo Patiño: “O desacougo creador”. Que terá lugar dende o 28 de xaneiro ata o 10 maio con entrada libre e gratuíta. Ademáis nas distintas bibliotecas públicas e nas escolas de arte de Galicia atoparemos: Obradoiros, exposicións e actividades.
Alberto Díaz, Aarón Moucho, Sandra Lodi e Andrea López foron convidados pola AGPI como ilustradores e ilustradoras de diferentes miradas, para que fixesen unha obra sobre aquel aspecto de Reimundo Patiño que máis lles inspirase. Todas as obras poden consultarse tamén na web antes citada.
Os faladoiros deste ano serán retransmitidos online o 28 de xaneiro pola mañá, entre as 11.00 e as 14.00. O acceso ás charlas é totalmente libre, sen inscrición previa, e pódese seguir tanto pola web do Día da Ilustración, como polo facebook e a canle de youtube da AGPI.
Os participantes nestas actividades serán: O humorista gráfico e ilustrador Xaquín Marín, que nos falará dun Reimundo Patiño co que estivo estreitamente vencellado, e Roberta Vázquez que nos falará da súa obra e proxectos persoais.
Na AGPI sempre temos moitas ganas de cultura: de creala, de reivindicala e de expandila. E agora máis que nunca despois dun ano coma este. Por iso convidámosvos con especial ilusión ao próximo evento:
O vindeiro sábado 8 de maio ás 19.30 h estaremos no XXII SALÓN INTERNACIONAL DO LIBRO INFANTIL E XUVENIL DE PONTEVEDRA no faladoiro “Meu dito, meu feito: unha semblanza sobre BD autoeditada”.
Cristian Fojón, Inés Casajeros e Miguel Porto serán os encargados de reflexionar e realizar interesantes achegas sobre BD, nunha conversa moderada por Óscar Iglesias no Salón de actos do Pazo da Cultura. O encontro é de balde, retransmítese tamén en streaming e precisa inscrición previa, entrando aquí para seleccionar a actividade e reservar praza.
Cine, contacontos, obradoiros de tecnoloxía e audiovisual, pintura mural, exposicións, escola de escrita e conversas arredor de distintos procesos creativos completan o programa de actividades desta nova edición do Salón do Libro, á que estamos moi contentas de sumarnos.
O cartaz gañador desta edición é obra da artistaAida Alonso, membro da AGPI, quen vén de realizar un prolífico e orixinal traballo de ilustración e collage.
Agardámosvos o próximo 8 de maio para festexar xuntas o regreso paseniño da cultura.
O Día da Ilustración celébrase cada ano o 30 de xaneiro, coincidindo co día do nacemento de Castelao. Ademais de lembrar e reivindicar o papel dos profesionais da ilustración na industria cultural, cada ano é homenaxeado un ilustrador histórico galego. A protagonista deste ano é Lolita Díaz Baliño.
Lolita Díaz Baliño (A Coruña, 1905-1963) foi unha pioneira artista multidisciplinar que desafiou as convencións sociais da época. Colaborou como ilustradora en diversas publicacións gráficas, como Mariñana, Galicia Gráfica ou Céltiga, amosando un estilo art déco sobrio e elegante, acorde coa moda propia do momento e tamén influencias do pensamento rexionalista.
Exerceu tamén unha importante labor como docente e, o 13 febreiro 1938, convértese na primeira muller, xunto a Carme Corredoyra, en ingresar como académica na Real Academia Galega de Belas Artes; é a primeira muller en facelo.
Lolita Díaz permaneceu incomprensiblemente esquecida durante moito tempo, a pesar de ser unha figura adiantada, que abriu camiño para moitas artistas que viñeron despois. Finalmente comeza a recibir o recoñecemento que merece.
Como todos os anos, a AGPI (e co patrocinio da Consellería de Cultura e Turismo), produciu un vídeo viral sobre a autora, xa dispoñible na web do evento www.diadailustracion.gal, onde se pode consultar tamén máis información sobre Lolita Díaz así como as actividades programadas para estes días nas bibliotecas de Galicia.
A Biblioteca de Galicia acolle a exposición «Lolita Díaz Baliño. A discreción imposta dunha grande artista». A mostra recolle documentos, libros, imaxes e obras de Fernández Mazas que forman parte da colección da Biblioteca e Arquivo de Galicia. A mostra inaugurarase o vindeiro 30 de xaneiro e poderase visitar ata o 13 de maio de 2021 no horario de 9:00 a 21:00, e con entrada libre e gratuíta
Como novidade, a AGPI convidou a catro ilustradoras de diferentes ámbitos da ilustración, Lidia Cao, Nuria Figueiredo, Iria Ribadomar e Laura Romero, para que fixesen unha obra sobre aquel aspecto de Lolita Díaz que máis lles inspirase. Todas as obras poden consultarse tamén na web antes citada.
Ademais, debido á emerxencia sanitaria actual, as charlas deste ano serán retransmitidas online o 29 de xaneiro pola mañá, entre as 10.30 e as 13.30. O acceso ás charlas é totalmente libre, sen inscrición previa, e pódese seguir tanto pola web do Día da Ilustración, como polo facebook e a canle de youtube da AGPI.
As ponentes das dúas charlas serán Carla Berrocal, que nos falará da súa obra e proxectos persoais, e Rosario Sarmiento, que nos trazará un percorrido pola faceta ilustradora de Lolita Díaz. O acceso ás charlas é totalmente libre, sen inscrición previa, e pódese seguir tanto pola web, como polo facebook e a canle de youtube da AGPI. Este é o programa:
· CHARLA CON ILUSTRADORA INVITADA: CARLA BERROCAL 29 de xaneiro ás 10:30
· CHARLA: ‘LOLITA DÍAZ BALIÑO: A ILUSTRADORA DOS SOÑOS’ Con Rosario Sarmiento 29 de xaneiro ás 12:10
(Ambas charlas serán conducidas por Neves Rodríguez)
Agradecemos por suposto toda a difusión que lle dedes ao evento.
A AGPI realiza un ano máis o seu Encontro Galego de Ilustración o próximo sábado 14 de novembro. Esta decimosétima edición, a primeira que se desenvolve integramente online, aborda a importancia da ilustración alén do campo editorial. A través das experiencias de creadores en distintos ámbitos, como os videoxogos, as apps móbiles ou o mundo audiovisual e escénico, o Encontro pretende ampliar a visión das aplicacións e posibilidades laborais desta disciplina artística.
Os autores convidados para esta edición visibilizarán partes da nosa profesión menos coñecidas, en mercados crecentes e en clara expansión. Susy Broullónfalará da súa aventura no mundo dos videoxogos, Javi de Castrodas súas experiencias no mundo dixital e Montse Piñeiroamosará as posibilidades da interacción entre distintas disciplinas artísticas. Ademais, Isabel Méndezimpartirá un obradoiro sobre un tema esencial da profesión: a protección dos dereitos de autor, tanto nos contratos como no incerto mundo da internet.
Un programa completo para unha edición especial do Encontro, ao que queremos convidar, un ano máis, a todos aqueles que gozan coa Ilustración. As actividades, que se emitirán en directo en formato webinar, están abertas a todo o público e son gratuítas. É precisa a inscrición previa nesta ligazón. Faino o antes posible, que as prazas son limitadas!
O 17 Encontro Galego de Ilustración está organizado pola AGPI co apoio da Consellería de Cultura e Turismo da Xunta de Galicia.
Toda a información sobre o programa e a inscrición no obradoiro pode atoparse aquí.
Trala boa acollida que tivo o Clube de Debuxo en Vigo e A Coruña, movémonos cara outras cidades. Nesta ocasión, visitaremos a asociación cultural Liceo Mutante, que leva anos ofrecendo actividades culturais na Rúa Rosalía de Castro, número 100 en Pontevedra. Trátase dun espazo aberto cun xardín no que poderemos debuxar sentados en cadeiras arredor da modelo. A actividade durará 2 horas cun descanso de 10 minutos. Será este sábado 22 de Agosto, de 11:30 a 13:30. Nesta ocasión teremos a unha profesional do Aikido que realizará unha exhibición co traxe reglamentario.
As actividades do Clube de Debuxo están dirixidas a ilustradores/as, animadores/as, debuxantes de cómic e estudantes de ilustración. No caso dos/as socios/as da AGPI, a actividade é gratuíta, pero aos non socios nesta ocasión pediráselles un donativo de 2 euros (no propio local), para cubrir o pagamento do modelo. Dado que o Liceo Mutante é un espazo autoxestionado que está a atravesar serias dificultades trala crise da Covid-19, quen o desexe poderá facer un donativo libre destinado a súa subsistencia. Cada asistente, como é habitual, debe levar o seu propio material de debuxo. Para realizar a inscrición, só hai que cubrir este formulario en liña. As prazas son limitadas, e serán adxudicadas por rigorosa orde de inscrición. O prazo estará aberto ata o 21 de Agosto.
O Clube de Debuxo naceu coa intención de realizar unha práctica interesante rodeados de compañeiros, ademais de crear un punto de encontro entre profesionais onde compartir as nosas experiencias e inquedanzas.
AVISO IMPORTANTE:
• Recordamos que é imprescindible levar a mascarilla posta durante a duración da actividade. Para máis seguridade, as cadeiras estarán separadas apropiadamente unhas de outras. Pregamos utilicedes tamén o xel desinfectante que poremos á entrada.
• A actividade realizarase ao aire libre, polo que recomendamos traer unha botella de auga e algo para crubir a cabeza en caso dun día moi soleado.
Hoxe Luns 29 de Xullo sairá en redes sociais unha campaña sobre o estatuto do artista co hashtag #ESTATUTODELARTISTAYA. Dende a AGPI fomos impulsores e executores desta ambiciosa campaña a nivel nacional.
#ESTATUTODELARTISTAYA é unha campaña que ten como obxectivo informar e dar visibilidade ao Estatuto do Artista, un conxunto de propostas lexislativas transversais para o desenvolvemento das profesións artísticas e culturais, así como
do traballo de técnicos/as e auxiliares do sector cultural, que porían solución a gran parte dos graves problemas e condicións inxustas na que levamos a cabo a nosa labor profesional.
En setembro do 2018, por unanimidade parlamentaria apróbase no Congreso dos Diputados un Informe da Subcomisión de Cultura con 76 conclusións que por vez primeira ten en conta a especificidade do sector, a súa intermitencia na actividade e, por tanto, os seus ingresos irregulares, o amplo e variado tecido cultural e a necesidade de protección. As súas conclusións teñen que ver coa fiscalidade, a normativa laboral, a protección social, a contratación, o asociacionismo, a loita pola igualdade, as prestacións por maternidade, a intermitencia, a transición profesional ou a compatibilidade coa xubilación.
O obxectivo
desta campaña é reivindicar, informar e formar aos socios e socias
sobre esta medida que pode solucionar gran parte dos problemas que
padece o sector cultural. Ao mesmo tempo, contactamos con máis de 100
asociacións de artistas a nivel nacional para que se sumen e, por agora,
temos recibido contestación afirmativa de 40. Realizamos unha serie de
textos informativos, textos para prensa e uns 18 jpgs para redes sociais
que sintetizan os principais puntos reivindicativos para que as
asociacións e os seus membros as compartan e informar sobre o estatuto xa
que o Ministro de Cultura nas súas últimas comparecencias en prensa
afirma a súa intención de poñelo enriba da mesa. O goberno actual ten o
compromiso de aprobar estes puntos e ao
mesmo tempo a oposición tamén o reclama, polo que o momento de
reivindicalo é agora. A loita será larga, a aprobación do estatuto será
por tramos, pero é a nosa obriga empoderar ao sector e ao ministerio para facer presión e que estas necesarias medidas se implementen canto antes.
Dende a AGPI apoiámonos
en Marta C.Dehesa, avogada especializada que estivo a participar na
redacción dos puntos no BOE e tamén botou unha man na comunicación do
colectivo SOS gráfico,
que nos axudou na súa difusión. Esta é unha campaña transversal a
calquera sector artístico que queremos que se sinta de todos/as e para
todos/as. Establecemos contactos e sinerxias con outras asociacións e
elaboramos un excel cos mails de contacto que deixaremos no recentemente
creado Drive da asociación, para que nun futuro se poidan seguir
fomentando estas conexións.
Ao mesmo tempo, o Mércores 1 de Xullo ás 18:00h, dende o noso instagram live da asociación, faremos unha presentación da campaña e unha explicación de qué é, para qué e o porqué desta reivindicación. As ponentes serán dúas avogadas de recoñecido prestixio e recoñecemento no tema como Eva Moraga (http://porypara.es/) e a propia Marta C. Dehesa (http://coladeperro.com/). Recomendamos aos socios/as que escoiten esta charla xa que será moi esclarecedora. Máis tarde a subiremos a nosa canle de youtube e redes sociais para compartir con quen non puidera conectarse en directo.
Esta campaña foi dirixida e deseñada polo membro da nosa directiva Alberto Vázquez de xeito desinteresado e sen custo algún para a asociación. Soamente agradecerlle a súa implicación neste importante asunto que incumpe a todo o tecido cultural.
Recentemente a Xunta de Galicia publicou o seu “plan de reactivación dos sectores cultural e turístico” presentando unha serie de medidas co fin de axudar a estes sectores afectados pola crise derivada da pandemia da COVID-19.
Dende AGPI queremos manifestar publicamente a nosa disconformidade con estas medidas. Argumentámolo nun comunicado oficial que podedes leer no pdf a continuación.
Despois de lanzar a enquisa o pasado 29 de marzo, hoxe publicamos os resultados da mesma sobre o efecto económico da COVID-19 no sector.
Entre os datos obtidos destaca que o traballo dos profesionais estase vendo afectado pola paralización da entrada de novos proxectos, de media os ilustrador poderán subsistir un máximo de 3 meses na situación actual e que un 62 % dos enquisados non poden acceder ás axudas derivadas da crise da COVID-19. Podes ler o informe completo aquí.
Nas próximas semanas desde FADIP farase un estudo conxunto dos resultados obtidos polas diferentes asociacións o que nos permitirá ter unha mostra máis representativa.
