Categoría: historico

A Deputación da Coruña convoca a VII edición do Premio Castelao de banda deseñada , dotado con 6.500 euros e a publicación da obra gañadora
Co obxecto de promover  a creatividade e a aparición de novos talentos entre os autores de cómic, a Deputación da Coruña convoca este ano a VII edición do premio de banda deseñada “Castelao”, no que poderán participar todos os autores que presenten narracións en banda deseñada inéditas e escritas en galego, cun máximo de dous autores por obra (un como guionista e outro como debuxante).O premio está dotado con 6.500 euros e a publicación da obra gañadora. Ademais, cos traballos orixinais recibidos, a Deputación realizará unha exposición de carácter itinerante.

A temática das obras é libre, e estas deben ter unha extensión mínima de 48 páxinas. Os traballos presentaranse baixo plica, por duplicado e finalizados, tanto en guión como en debuxo. O prazo de admisión de orixinais remata o día 31 de marzo de 2011.

O xurado do premio estará integrado polo presidente da Deputación, a deputada responsable da área de Cultura, e tres persoas de recoñecido prestixio no eido da banda deseñada, e a súa decisión farase pública o vindeiro mes de abril.

Os interesados poden obter máis información na páxina web da Deputación da Coruña.

Hoxe faise público, en formato PDF, o novo informe do Observatorio da Ilustración Gráfica. Leva por título Los retos de la era digital, e trata de forma especial os cambios que debe afrontar a profesión perante as perspectivas que se abren nos nosos días cos medios dixitais, e todas as consecuencias, positivas e negativas, que traen consigo. O informe repasa a situación dos novos mercados, as posibilidades e necesidades dos ilustradores e ilustradoras, a situación dos seus dereitos de autor neste contorno globalizado e outros temas non menos importantes como o ensino da ilustración en España.

Los retos de la era digital é un texto asinado conxuntamente polos membros da Comisión de Profesionais do Observatorio: Horacio Altuna, Pablo Amargo, Elisa Arguilé, Arnal Ballester, Ulises Culebro, Ricardo Esteban, Manuel Estrada, Isidro Ferrer, Forges, Miguel Gallardo, Pablo Martínez, Max, Albert Monteys, Elena Odriozola, Javier Olivares, Carlos Ortín, Miguelanxo Prado, Mariona Sardà, Rosa Serrano e Javier Zabala. O informe completo, en castelán, pode lerse aquí. A versión en inglés pode encontrarse nestoutra ligazón. En próximos días poderá accederse tamén ao documento noutros formatos de lectura.

A Librería Aenea (rúa dos Irmáns Rey Alvite 5, 15702 Santiago de Compostela) acolle, desde o pasado día 18 de decembro e ata o 8 de xaneiro, unha exposición de ilustracións e debuxos a cargo de Marina Seoane Pascual. O horario de apertura é, de luns a sábado, entre as 10:00 e as 14:00 h e entre as 17:00 e as 20:30 h (excepto martes e xoves, de 10:00 a 11:00 h e de 18:30 a 19:30 h).

A libraría A Libreira, do Temple
(Cambre, A Coruña), organiza mensualmente presentacións e charlas baixo o título
de «Vermú literario». Na edición
correspondente a decembro o convidado especial é o ilustrador Suso Cubeiro, que falará do libro Los tres cielos: Aventuras infantiles de Félix Rodríguez de la Fuente (Auga
Editora, 2010). Suso Cubeiro é o
responsable das ilustracións, mentres que os textos o son de Miguel A. Pinto
Cebrián. A cita é o próximo sábado, 18 de decembro, ás 13:30 h.

A exposición «Unha ollada natural», do ilustrador Calros Silvar, será inaugurada este xoves 2 de decembro, ás 20:30 h, na
Aula de Natureza Juan Lembeye do Xardín Botánico Ría do Burgo (Culleredo, A Coruña), onde estará ata o 31 de decembro de 2010. No acto de
inauguración intervirán Celestino Poza, concelleiro de Cultura de Culleredo; Carlos
Pereira Martínez, historiador; e o propio Calros Silvar.

«Unha ollada natural» é unha colección de trinta láminas orixinais
empregadas na elaboración de guías da natureza para Baía Edicións, así como outras
publicadas con editoras como A Nosa Terra ou Siruela, acompañadas por unha
escolma dos cadernos de campo do autor.

O socio de AGPI e gañador do Premio Castelao 2009, Dani Montero, volve á carga cun par de sesións de sinaturas este venres e sábado nas librarías Paz e Banda Deseñada, en Pontevedra e Vigo, respectivamente. Nas dúas, haberá agasallo seguro para os primeiros que entren e merquen o libro.
Máis información no blogue de DEMO:
http://demoeditorial.blogspot.com

A mostra presenta vinte cadros que ofrecen aos visitantes pinceladas  da biodiversidade de Galicia. Aves, mamíferos, anfibios, fungos, plantas, e árbores representados pola man profesional do ilustrador Calros Silvar.


Son unha escolma das ilustracións feitas para guías de natureza e outros libros da mesma temática. Tamén hai debuxos de cadernos de campo, onde se poden observar bosquexos a apontamentos do natural, a cara oculta do traballo de ilustracións da natureza.


Calros Silvar é Licenciado en Belas Artes, ilustrador, naturalista e afeccionado á ornitoloxía. Ten publicados máis de cen libros, e foi galardoado con varios premios de ilustración, debuxo de humor e banda deseñada.

“La tetería del Oso Malayo“, de David Rubín, en su
edición checa, ha ganado el premio al mejor cómic extranjero
del año 2009 en el Komikfest de Praga!

Por otro lado, David Pintor gana en Italia la X edición del concurso: “L´illustratore
dell anno“, que convoca la cadena juguetera Città del
sole. David será el encargado de ilustrar el calendario de la
empresa.

Chega o fin de semana e o imos ter moi ocupadiño:
1.-Manolo López Poy e Miguel Fernández presentan “O fillo da furia“, de DEMO Editorial nas Rías Baixas. O venres, as 18.00 estarán na librería Paz (Pontevedra), e o sábado as firmas serán á mesma hora en BD (Vigo).

2.-Por outra banda,  o mesmo venres celebraráse o terceiro Pecha Kucha en A Coruña. A cita é as 20.20 na Fundación Luis Seoane, con entrada gratuita, e contará coa participación do socio de AGPI, David Pintor.

3.-A nosa socia, Rebeca López, inaugura a súa exposición “Cuervitos e calaveras” na galería Amararte (r/ San Froilán, 20- baixo, Lugo). Esta exposición poderá visitarse ata o día 27.

O pasado sábado celebramos en Santiago, o tradicional Encontro Galego da Ilustración, e aproveitamos para inmortalizar o momento con esta foto de familia, nunca mellor dito.
Se queredes ver as fotos dos anos anteriores, podedes facerlo aquí.