Categoría: historico

O ilustrador David Pintor foi seleccionado para a mostra de ilustradores da Feira Internacional do Libro Infantil e Xuvenil de Boloña 2011 con ilustracións do libro Contos para nenos que dormen deseguida, da editorial Kalandraka. Na convocatoria participaron máis de 3000 ilustradores de todo o mundo, dos cales foron seleccionados 76. O libro, que seis meses despois da súa publicación xa vai por la segunda edición, foi nomeado tamén mellor libro infantil en Galicia por máis de 500 internautas da web Fervenzas Literarias. É a terceira vez que David é seleccionado na mostra da cidade italiana, despois de telo sido en 2007 e 2010.

Os demais ilustradores españois seleccionados son: Pere Ginard, José María Lema de Pablo, Beatriz Martín Terceno, Patricia Metola e Cristina Sitja. O resto pode verse aquí.

O Sábado 29, as 18:00 h. no Centro Galego de Artes da imaxe
(Rúa Durán Loriga, 10 baixo, A Coruña) porxectaráse esta curtametraxe experimental, a modo de time-lapse documental, que conta co traballo de varios  socios de AGPI. Muro Público propón unha reflexión en torno ao concepto de propiedade da arte pública a través do apropiacionismo creativo no entorno urbán,onde un colectivo de artistas integra pictóricamente a publicidade que ateiga as rúas nas súas sucesivas obras murais e dando voz de narrador á cidadanía que transita o espazo entrópico do encadre visual.
Os artistas que forman parte desde documental son:
Liquen, Berto Gracia, Branda, Silvia Sánchez, Pelucas, Antía
Sánchez, Minia Regos, Tayone, Nando Vázquez, Manuel Silva, Pablo Outón

MURO PÚBLICO Trailer from Manuel Silva on Vimeo.

Demo Editorial en colaboración coa Libraría Endo (Rúa entrepeñas, 41-baixo, A Coruña), organizan unha exposición con reproduccións de pranchas da banda deseñada de Manel Cráneo, “Os Lobos de Moeche“.
Esta obra de aventuras, ambientada na segunda revolta irmandiña, xa acadou notable éxito desde a súa saída en 2009. Agora reaparece novamente en formato exposición.
Ademáis dunha selección de pranchas reproducidas tamén se exhibirá algún orixinal. As pezas estarán á venta.

A mostra permanecerá na libraría do 28 de xaneiro ao 28 de febreiro.

A inauguración será este venres ás 20:30 h na propia librería e servirase un viño rioxa aos asistentes.

Un dos pioneiros da BD galega dos oitenta e socio de AGPI Tokio, volta o traballo cunha obra longa. Demo Editorial publicará en breve Cabana de Balieiros unha obra de intriga ambientada a comezos do século XIX nunha vila dedicada á caza de baleas na nosa costa.  Ademáis, Demo anuncia a edición de Punto de fuga, a primeira novela gráfica, de corte intimista, de Miguel Cuba.

Por se fose pouco en breve teremos un novo traballo do tamén socio de AGPI, Manel Cráneo, e a edición en castelán de O fillo da furia.

Mañá venres, 14 de xaneiro, ás 18:30h, o noso socio Xosé Tomás realizará unha presentación do libro “El gran libro de relatos de piratas y corsarios” (Ed. Parramón), xunto cun obradoiro de creación de piratas no Forum do FNAC de A Coruña. Trátase da primeira presentación en Galicia deste libro, que xa foi vendido en Latinoamérica, traducido ao catalán, ao portugués e ao inglés, para a editorial neoiorquina Sterling Publishing.

O socio da AGPI, Uxío Broullón, gañou o concurso de carteis da imaxe de 2011 para o Festival Internacional de Curtametraxes Curtocircuito que convocou a Concellaría de Cultura e Centros Socioculturais do concello de Santiago de Compostela. O cartel gañador será a imaxe para o Festival durante todo o 2011.

O xurado valorou “o gran nivel das obras presentadas” tanto de profesionais do medio de recoñecido prestixio como dos afeccionados que se animaron a participar. Foron un total de 83 propostas enviadas por 56 participantes (35 galegos, 18 do resto do Estado e 3 procedentes doutros estados). Tim Redford, director de Curtocircuito, definiu o cartel gañador como “moi simple, pero con moita forza, que rompe a imaxe oficial do Festival”.

Máis información na nova no web do festival.

A editora catalá Bang Edicións leva ao mercado francés Ratoon, a última obra do socio de AGPI Alejandro Viñuela, Jano. A obra muda, que xa está dispoñible nas librarías do noso estado, terá un prezo de venda de 13 euros e conta con 64 páxinas. Aquí podemos ver un teaser da historia.

A Consellaría de Cultura non convocará o vindeiro ano as axudas á creación de banda deseñada. Segundo explican desde este departamento, o orzamento destinado a este programa reduciuse de 30.000 a 15.000 euros nas últimas contas públicas. Nunha xuntanza con membros do sector anunciouse que de cara a 2011 a convocatoria de axudas será substituída por unha de premios, o que responde tamén ás reclamacións sobre o formato que se escollera na primeira convocatoria, que esixía unha xustificación de gastos de creación complicada para os autores.

Información extraida de culturagalega.org

Despois de estar cinco anos sen as aventuras dos Barbanzóns, o socio de AGPI, Pepe Carreiro acaba de publicar a cuarta entrega desta serie, da man da editorial Toxosoutos, titulado A noite das cacharelas.

AGPI decidiu internarse nas redes sociais como unha ferramenta máis para darse a coñecer a e divulgar os seus fins fundacionais, así como para poñer á disposición dos seus asociados e amigos unha nova ferramenta de comunicación.
Esperamos que a presenza de AGPI en Facebook sexa de utilidade; así que xa sabedes: podedes facervos fans da AGPI Asociación Galega de Profesionais da Ilustración facendo clic no botón “gústame”.