Nestes anos informámonos, indagando e investigando sobre a IA xenerativa e as consecuencias que o seu uso carrexa. Fixemos pedagoxía alí onde foi necesario, denunciando as súas prácticas extractivistas, a vulneración de dereitos de autoría e a contaminación e saqueo de recursos naturais que necesita para o seu lucrativo negocio. Agora imos materializar a loita e a pedagoxía máis aló dos contidos dixitais, os mails, as RRSS ou as charlas que damos. Queremos sacalo á rúa, levalo posto ou poder dalo de man en man, facer loita analóxica, tanxible, contra a IA xenerativa.
Para iso queremos publicar varios produtos ilustrados divulgativos: Como unha camiseta ilustrada por Leandro e fanzines, cadernos, adhesivos e láminas de diversxs autorxs da AGPI. Chegado o momento necesitaremos moito axuda na difusión, de antemáns grazas. Evidentemente o recadado irá á hucha de AGPI.
Temos unha boa nova, vimos de asinar un convenio con PuntoGal que nos da acceso a mercar dominios cun importante desconto na alta para proxectos dos membros da Asociación ou dos vosos clientes
PuntoGal, que supera os 7500 dominios. En palabras do director xeral da PuntoGal, Darío Janeiro: “Acompañando ás iniciativas que, coma esta, facilitan e promoven a creación de contidos en galego, e que aportan á rede unha visión da diversidade e riqueza da creación na nosa lingua”
Para Janeiro “as alianzas son sempre un xeito de incrementar o valor e a relevancia das iniciativas de comunicación, nun momento en que parece que a predominancia é das plataformas e non dos creadores ou dos comunicadores”.
Pola nosa banda, cremos que o dominio punto gal, é unha forma de ampliar o afecto ao territorio e ao local, levado á rede, grazas por iso.
– 20h Little Pi e Martin Haddock DJ con ilustración en vivo, poden participar todxs xs que veñan facendo unha obra colectiva (entrada inversa para ilustradorxs)
– 22h Sorteo de dúas cestas con: Caderno AGPI, ilustracións, fanzines, BD e produtos ilustrados de socixs da AGPI: Laura Caneira, Nuria Díaz, Rebeca Perdivel, Augusto Metztli, Iria Ribadomar, Paula Mayor, Lara La Chica de la Cinta, Clara Cerviño, Bruno Elerre, Tamara Baz y Julia Gema Fernández Pla. Ligazón aquí: https://rifary.com/zes5w6gng785p9oxgnqpjz6o
*Faremos o sorteo na Festa polo Día da Ilustración 2026 no Miúdo, o venres 6 de febreiro pola noite.
Como cada ano, o 30 de xaneiro celébrase o Día da Ilustración. Nesta ocasión, a figura homenaxeada será Siro, unha das voces máis recoñecibles da caricatura e da ilustración galega contemporánea, cunha traxectoria marcada polo humor, a crítica social e a defensa da cultura do país.
A AGPI participa este ano, en colaboración coa Xunta de Galicia, con diversas actividades arredor da súa figura, entre elas a exposición conmemorativa Siro, a vida nun lapis (Biblioteca de Galicia), elaborada en estreita colaboración co propio autor. No portal de Cultura da Consellería de Cultura, Lingua e Xuventude e na web diadailustracion.gal podedes consultar o resto das actividades programadas, así como un vídeo conmemorativo sobre o ilustrador e información detallada sobre a súa vida e obra.
Como cada ano animamos a todo o mundo a participar dun xeito sinxelo utilizando nas redes sociais o hashtag #Diadailustracion2026
O cartel deste ano é obra da nosa sociaClara Cerviño.
A Asociación Galega de Profesionais da Ilustración (AGPI) anuncia a presentación de O Caderno AGPI no marco do Culturgal, a feira das industrias culturais galegas.
Presentan: Augusto Metztli e Chus Rojo
Data: 28 de novembro de 2025
Hora: 16:00 h
Lugar: Escenario arte, Culturgal (Pazo da Cultura de Pontevedra)
Sobre O Caderno AGPI
O Caderno AGPI é un libro obxecto que recolle a esencia do debuxo espontáneo. Cada páxina ofrece un bosquexo realizado por un dos socios e socias da AGPI, acompañado de información de contacto das autoras e autores participantes.
Este caderno busca transmitir ao público xeral o encanto dos bosquexos, esas primeiras liñas que revelan a creatividade e a personalidade de cada artista. Máis que un simple caderno de debuxo, é unha mostra colectiva que celebra a diversidade e o talento da ilustración galega.
A presentación
O acto contará coa participación de Augusto Metztli e Chus Rojo, quen achegarán a súa visión sobre o proceso creativo e o valor dos bosquexos como ferramenta artística e comunicativa.
A Asociación Galega de Profesionais da Ilustración -AGPI- e a Xunta de Galicia seguirán a apostar, tal e como xa se fixo o pasado ano, polos homenaxes en vida de figuras clave da ilustración galega contemporánea.
Tras dez anos reivindicando referentes históricos e pioneiros no eido da ilustración galega, tales coma Lolita Díaz Baliño, Federico Ribas, Chichi Campos ou Reimundo Patino, no ano 2025 decidiuse mudar o modelo de homenaxe e contar con autores contemporáneos, sendo o primeiro deles o mindoniense Xosé Vizoso. A colaboración directa co autor supuxo unha mellora notable na conexión entre autor -e obra- co público.
No ano 2026 será Siro o autor escollido. Coñecido polo seu traballo de caricaturista político e de humorista gráfico, destaca tamén como retratista, debuxante e pintor, ademais de destacar noutros eidos coma o do xornalismo ou o ensaio. Foi o deseñador da Praza do Humor da Coruña (1990) e o autor do curso de galego ¿Imos aló?, emitido na TVG entre 1989 e 1990.
Nado en Ferrol no ano 1943, Siro descríbese como un debuxante precoz, recoñecendo unha notable facilidade para o debuxo dende ben cativo. Posuidor dun trazo áxil e decidido, non tardou en experimentar con todas as técnicas posibles: tinta e pincel, sanguina, carbón, grafito, pluma, pastel, técnicas dixitais… Tamén experimentou coa cor e a mancha, recoñecendo que tardou en pintar polo respecto que lle daba a técnica.
Día da Ilustración
O Día da Ilustración naceu cos obxectivos de lembrar e reivindicar o papel dos profesionais da ilustración na industria cultural e de facer, cada ano, homenaxe a un ilustrador ou ilustradora galega. A efeméride foi creada no ano 2014, tomando como referencia a data do nacemento de Alfonso Daniel Rodríguez Castelao -o 30 de xaneiro-, incluída no Calendario do Libro e da Lectura que promove a Consellería de Cultura, Lingua e Xuventude da Xunta de Galicia.
O XXII Encontro Galego da Ilustración, terá lugar en Pontevedra coa achega de diversas e interesantes actividades nesta nova praza.
Dentro deste evento anual, atoparemos un abano variado de propostas dirixidas a profesionais e afeccionados do sector da ilustración. O marco temporal abranguerá do Luns 6 de Outubro ata o Sábado 18 e contará con escaparates ilustrados, faladoiros, obradoiros para maiores e nenos, e temáticas abordadas dende o formato de mesa redonda.
Unha gran ocasión para gozar da ilustración e todas as súas posibilidades.
PROGRAMA 22 ENCONTRO GALEGO DE ILUSTRACIÓN AGPI
Pontevedra, do 6 ao 18 de Outubro
Luns 6 de Outubro:
Escaparate ilustrado por Nuria Figueiredo en Libraría Seijas
Mércores 8 de Outubro
Escaparate ilustrado por Eli García en Libraría D-Lectum
12:30 – Faladoiro “Pasión, profesión y muchos monstruos.” Las claves de tutransformación creativa y profesional para una carrera de ilustración estratégica y potente. por Ío Bru (Ilustrando Dudas)
(Salón de Actos do Edificio Castelao)
14:00– Comida
16:30 – Mesa redonda “Máis alá do papel: ilustrar a todo terreo” con Abi Castillo, Natalia Umpiérrez y Lili Algo, moderado por Laura Caneira
(Salón de Actos do Edificio Castelao)
17:45 – Obradoiro “Ilustración con bolígrafo: iniciación y técnica” impartido por Belén Diz Juncal
(zona de cristal do primeiro andar do Edificio Castelao)
Requírese inscrición previa no siguiente formulario
Despois de varios anos no antigo local, cambiamos de barrio (seguimos na Coruña) para mellorar os nosos servizos, agora atopamonos no barrio de Os Mallos, moi preto da estación de tren.
A dirección completa é: Av. dos Mallos 56, entreplanta. 15007 — A Coruña
