AGPI – Asociación Galega de Profesionais da Ilustración

Categoría: humor gráfico

  • Obradoiro de Humor Gráfico de Santy Gutiérrez

    Obradoiro de Humor Gráfico de Santy Gutiérrez

    O vindeiro venres 27, o noso socio Santy Gutiérrez impartirá un obradoiro no espazo  Escola Unitaria (Calz. de San Pedro, s/n, 15703 Santiago de Compostela, A Coruña). Esta é unha das actividades de AGPI enmarcadas na celebración do Día da Ilustración 2023.O horario será de 17:30 a 19:30h.

    A cota de inscrición é de 3€ para socixs de AGPI e 10€ público en xeral. Podedes apuntarvos no seguinte enlace.

    Sobre o obradoiro:

    Durante as dúas horas do obradoiro, Santy fará un percorrido polas súas viñetas e procesos creativos, para despois propoñer ó conxunto dxs asistentes unha actividade.

    Sobre Santy Gutiérrez

    30 anos de experiencia como creador freelance: entre os seus clientes atópanse as principais editoriais nacionais e estranxeiras, empresas téxtiles, grupos de comunicación, axencias de publicidade, produtoras audiovisuais, institucións públicas e privadas, etc… ilustrando libros infantís e xuvenís para eles, educativos. , artigos de prensa, carteis, elaboración de viñetas, viñetas, story boards, deseño de personaxes, deseño téxtil, etiquetas, logotipos, murais e infinitos debuxos en todo tipo de materiais e soportes…


    Tamén da charlas, obradoiros, conferencias, e participa en mesas redondas, debates, coloquios sobre ilustración, banda deseñada, sector editorial, literatura ilustrada, etc…

    Membro fundador do estudio BAOBAB e ex presidente de AGPI e FADIP.

    Animádevos!

  • Siro, guía pola Coruña de Álvaro Cebreiro

    Siro, guía pola Coruña de Álvaro Cebreiro

    Dentro do ciclo «Paseos pola Coruña literaria», este sábado, 12 de maio, o noso socio de honra Siro López guiará o titulado «Un paseo con Álvaro Cebreiro». O ciclo,  iniciativa da Asociación de Escritoras e Escritores en Lingua Galega (AELG) e o Concello da Coruña, componse de visitas guiadas pola cidade da Coruña da man de escritoras e escritores que escribiron obras ambientadas na cidade.

    Álvaro Cebreiro (1903-1956), figura imprescindible da arte galega, cun persoal estilo como humorista gráfico e caricaturista, foi un profesional interesado na arte europea do seu tempo que fixo interesantísimas achegas á ilustración galega. Precisamente, o Día da Ilustración de 2017 estivo dedicado á súa figura. Este paseo percorrerá a cidade polos lugares relacionados con el, ata chegar á praza do Humor, «espazo propio para falar do papel que tiveron os humoristas nos movementos sociais progresistas».

    A participación no paseo é gratuíta, aínda que hai un número limitado de prazas, polo que se precisa inscrición previa, tal e como se detalla na web do concello coruñés.

  • Falece Forges

    Falece Forges

    Antonio Fraguas Forges faleceu esta madrugada en Madrid. Humorista gráfico, a súa obra estendeu a todo tipo de medios impresos (diarios como Pueblo, Diario 16, El Mundo ou El País, e revistas como Hermano Lobo, Interviú ou El Jueves) e ao audiovisual, onde dirixiu longametraxes e series de televisión. A súa gran preocupación pola reivindicación dos dereitos dos ilustradores levouno a ser un firme defensor das asociacións profesionais —por exemplo, durante anos foi tamén socio da AGPI—, e así formou parte en 2008 da Comisión de Profesionais do Observatorio da Ilustración Gráfica, que asesorou as publicacións Informe 2008, Los retos de la era digital e Nuevo libro blanco de la Ilustración Gráfica en España. Nos últimos tempos representou os ilustradores na Plataforma Seguir Creando, en defensa dos dereitos dos autores tras a xubilación.

    A AGPI, xunto co resto das asociacións profesionais de ilustradores, lamenta esta gran perda e únese á dor da súa familia e os seus amigos.