Do 19 ó 23 de outubro no Pavillón 4.1 The Arts + A Federación de Asociacións de Ilustradores/as Profesionais de España en colaboración co Ministerio de Cultura e Deporte e a Feira Internacional do Libro de Francfort organiza unha exposición que albergará obra de sesenta autores/as de todo o territorio nacional. 30 persoas escollidas por convocatoria e outros 30 premios nacionais. Cada ilustrador ou ilustradora mostrarannos unha secuencia narrativa de dúas imaxes extraídas dun libro inédito ou xa publicado, contándonos unha pequena historia sen palabras. 60 historias mediante 120 ilustracións que representarán a ilustración española contemporánea. Convocatoria aberta do 20 de xullo ó 20 de agosto ás 23:59h. + info: www.fadip.org
Trala boa acollida que tivo o Clube de Debuxo en Vigo e A Coruña, movémonos cara outras cidades. Nesta ocasión, visitaremos a asociación cultural Liceo Mutante, que leva anos ofrecendo actividades culturais na Rúa Rosalía de Castro, número 100 en Pontevedra. Trátase dun espazo aberto cun xardín no que poderemos debuxar sentados en cadeiras arredor da modelo. A actividade durará 2 horas cun descanso de 10 minutos. Será este sábado 22 de Agosto, de 11:30 a 13:30. Nesta ocasión teremos a unha profesional do Aikido que realizará unha exhibición co traxe reglamentario.
As actividades do Clube de Debuxo están dirixidas a ilustradores/as, animadores/as, debuxantes de cómic e estudantes de ilustración. No caso dos/as socios/as da AGPI, a actividade é gratuíta, pero aos non socios nesta ocasión pediráselles un donativo de 2 euros (no propio local), para cubrir o pagamento do modelo. Dado que o Liceo Mutante é un espazo autoxestionado que está a atravesar serias dificultades trala crise da Covid-19, quen o desexe poderá facer un donativo libre destinado a súa subsistencia. Cada asistente, como é habitual, debe levar o seu propio material de debuxo. Para realizar a inscrición, só hai que cubrir este formulario en liña. As prazas son limitadas, e serán adxudicadas por rigorosa orde de inscrición. O prazo estará aberto ata o 21 de Agosto.
O Clube de Debuxo naceu coa intención de realizar unha práctica interesante rodeados de compañeiros, ademais de crear un punto de encontro entre profesionais onde compartir as nosas experiencias e inquedanzas.
AVISO IMPORTANTE:
• Recordamos que é imprescindible levar a mascarilla posta durante a duración da actividade. Para máis seguridade, as cadeiras estarán separadas apropiadamente unhas de outras. Pregamos utilicedes tamén o xel desinfectante que poremos á entrada.
• A actividade realizarase ao aire libre, polo que recomendamos traer unha botella de auga e algo para crubir a cabeza en caso dun día moi soleado.
Tras moito tempo reivindicando o cambio das bases do Premio Castelao de banda deseñada da Deputación da Coruña este ano admítese a presentación de proxectos. Esta modificación foi posible grazas o asesoramento da AGPI para a adaptación das bases.
Poderán presentarse indistintamente:
PROXECTOS, que consistirán en un dossier con un mínimo de 16 páxinas rematadas, tamaño A4, formato PDF, e unha sinopse detallada do contido da obra completa, con unha extensión máxima de tres páxinas.
OBRAS COMPLETAS, tanto en guión coma en debuxo, en cuxo caso deberán ser orixinais, inéditas e non publicadas, na súa totalidade ou parcialmente.
É importante lembrar que establécense dous premios, dotados con 6.500 € cada un deles, para cada unha das seguintes categorías:
MODALIDADE XERAL: obras dirixidas a todo tipo de lectores.
MODALIDADE LIX: obras dirixidas ao público infantil e xuvenil.
O prazo de presentación remata o día 10 de xullo de 2020.
O Clube de Debuxo, organizado pola AGPI, que ata agora desenvolveu maioritariamente as súas sesións na cidade da Coruña, chega este mes de marzo a Vigo. Farao cunha sesión de debuxo durante un adestramento do equipo de wáter-polo do Real Club Náutico de Vigo. Será no propio Real Club Náutico (rúa das Avenidas, s/n, 36202 Vigo), o próximo venres 6 de marzo, de 21:30 a 22:30.
Como nas anteriores ocasións, o Clube de Debuxo está dirixido a ilustradores, animadores, debuxantes de cómic e estudantes de ilustración. É unha actividade tanto para socios como para non socios da AGPI. As prazas, totalmente gratuítas, son limitadas e outórganse por rigorosa orde de inscrición, mediante o formulario electrónico http://bit.ly/32uwo3Q. O prazo de inscrición estará aberto ata o 5 de marzo.
A sesión desenvolverase na piscina cuberta do Real Club Náutico de Vigo. A piscina dispón dunha zona de gradas onde acomodarse. Recoméndase ás persoas inscritas levar auga e roupa fresca, dado que na zona onde se realizará a sesión vai moita calor. A sesión comezará con puntualidade e só se poderá acceder ao recinto co grupo de inscritos.
O Clube de Debuxo naceu coa intención de realizar unha práctica interesante rodeados de compañeiros, ademais de crear un punto de encontro entre profesionais onde compartir as nosas experiencias e inquedanzas. Anteriormente realizáronse sesións de debuxo nun ensaio da Sinfónica de Galicia, na piscina municipal do Club do Mar da Coruña, no Mercado de Verdura de Vilagarcía e nun ensaio de danza no Teatro Rosalía de Castro da Coruña, así como en varias ocasións cun modelo en vivo na Fundación Luís Seoane. A partir de agora, amplíase o número de lugares de realización do Clube, e unha das localidades habituais será Vigo.
A cita de febreiro do Clube de Debuxo, iniciativa da Asociación Galega de Profesionais da Ilustración, volve adoptar a forma de sesión de debuxo con modelo en vivo na Fundación Luis Seoane (rúa San Francisco, 27, 15001 A Coruña), este venres, 21 de febreiro, de 19:00 a 21:00.
Como vén sendo habitual, para permitir realizar un debuxo áxil, as poses do modelo serán curtas, de entre un e dez minutos, e o recomendable será moverse pola sala, aínda que haberá cadeiras para quen queira.
As actividades do Clube de Debuxo están dirixidas a ilustradores, animadores, debuxantes de cómic e estudantes de ilustración. No caso dos socios da AGPI, a actividade é gratuíta, pero aos non socios nesta ocasión pediráselles un donativo de 2 euros (na propia sala), para cubrir o pagamento do modelo. Cada asistente, como é habitual, debe levar o seu propio material de debuxo. Para realizar a inscrición, só hai que cubrir este formulario en liña. As prazas son limitadas, e serán adxudicadas por rigorosa orde de inscrición.
Esta é a oitava sesión do Clube de Debuxo; anteriormente realizáronse outras na propia Fundación Luis Seoane, nun ensaio da Sinfónica de Galicia, na piscina municipal do Club do Mar da Coruña, no Mercado de Verdura de Vilagarcía e nun ensaio de danza no Teatro Rosalía de Castro da Coruña.
O Clube de Debuxo naceu coa intención de realizar unha práctica interesante rodeados de compañeiros, ademais de crear un punto de encontro entre profesionais onde compartir as nosas experiencias e inquedanzas. A partir de agora, as sesións do Clube comezarán a realizarse tamén noutras localidades galegas, que se anunciarán en breve.
No DOG de onte, 10 de febreiro, pode lerse a convocatoria completa «para a concesión de subvencións para a participación de persoas escritoras, ilustradoras e tradutoras nas actividades que se realicen no sector do libro no 2020». A convocatoria, que estará aberta ata o 15 de outubro de 2020 (inclusive), permite cubrir os gastos de viaxe e aloxamento a feiras, festivais, seminarios, encontros, obradoiros e estadías creativas relacionadas co sector do libro desenvolvidas en 2020 (unha única actividade no sector do libro por persoa beneficiaria). Teñen que ser gastos estritamente necesarios (e non se admiten os de manutención) e non poden superar os 250 euros para actividades dentro de Galicia, 600 euros en caso de actividades situadas na Unión Europea ou os 1500 euros nos das situadas fóra dela. Os gastos deben estar facturados e pagados entre o 1 de xaneiro e o 12 de decembro de 2020 (inclusive).
As persoas interesadas deberán presentar, ademais do formulario proporcionado na orde da axuda, un xustificante de inscrición na actividade obxecto da subvención, declaración xurada da exención do IAE (ou certificado desa exención), copia da alta en autónomos e documentación en que conste o ISBN e o depósito legal dos libros publicados nos tres últimos anos.
Cada persoa pode solicitar axuda para a asistencia a unha única actividade no sector do libro. Os beneficiarios, para percibiren a subvención, deberán acreditar a realización dos gastos subvencionados e xustificar a totalidade do orzamento. En caso de actividades xa realizadas en 2020, o prazo para a xustificación (unha vez concedida a axuda) será de cinco días hábiles desde a data de aceptación da axuda; no caso de actividades que vaian acontecer posteriormente este ano, será de cinco días hábiles desde o remate da actividade en cuestión.
Para xustificar haberá que entregar: unha copia do certificado de asistencia á actividade emitido pola entidade organizadora ou un xustificante oficial da entrada da persoa beneficiaria; unha memoria das actividades levadas a cabo en relación coa finalidade da subvención; unha relación clasificada dos gastos (identificando o acredor, o documento de gasto ou factura, o importe, a data de emisión e a data de pagamento), e xustificante bancario do pagamento pola persoa beneficiaria (salvo en gastos menores de 1000 euros, que poderán ser en metálico e deberán figurar así na factura).
Para pechar o ano, o Clube de Debuxo ten a proposta de debuxar durante un ensaio da compañía de danza Kor’sia, coincidindo co seu paso pola Coruña. Será este sábado, 21 de decembro, de 18:00 a 19:30, no Teatro Rosalía de Castro, onde a compañía interpretará a peza The Lamb ás 20:30.
Kor’sia está formada polos coreógrafos e bailaríns Antonio de Rosa e Mattia Russo, ex-bailaríns da Compañía Nacional, e o dramaturgo Giuseppe Dagostino. Son un colectivo que inspira as súas creacións no cinema, a fotografía, a literatura e a escultura. A compañía ten sede en Madrid e son residentes no Centro Danza Canal desde 2017. O espectáculo conta cun elenco de 8 persoas, 3 bailaríns e 5 bailarinas.
Esta actividade é posible grazas a colaboración entre a AGPI e o proxecto de Programación Expandida do TRCDanza, un programa de mediación cultural vencellado á programación de danza do Teatro Rosalía de Castro da Coruña.
A sesión, como todas as do Clube de Debuxo, está dirixida a ilustradores, animadores, debuxantes de cómic e estudantes de ilustración. Non é preciso ser socio da AGPI e é gratuíta. Para realizar a inscrición, só hai que cubrir este formulario en liña. O prazo de inscrición remata o 20 de decembro. O número de prazas é limitado, e serán adxudicadas por rigorosa orde de inscrición.
É a sétima sesión do Clube, que naceu coa intención de realizar unha práctica interesante con outros compañeiros, ademais de crear un punto de encontro entre profesionais onde compartir experiencias e inquedanzas. Durante o 2019 asistiuse a un ensaio da Sinfónica de Galicia, á piscina municipal do Club do Mar da Coruña e ao Mercado da Verdura de Vilagarcía, e organizáronse diferentes sesións con modelo en vivo dentro da Fundación Luis Seoane. A asistencia sempre foi moi alta, e poder asistir ao ensaio de Kor’sia no Teatro Rosalía de Castro é un auténtico broche de ouro para este magnífico ano.
Como non podía ser doutra maneira, tamén se anima a todos a asistir posteriormente ao espectáculo. Con toda seguridade, vivir a peza desde dentro e desde fóra resultará unha experiencia incrible.
O Clube de Debuxo organizado pola AGPI sae por vez primeira da cidade da Coruña para citar todos os ilustradores interesados no debuxo en vivo na Praza da Verdura de Vilagarcía de Arousa. Será o próximo sábado, 9 de novembro, de 11:00 a 13:00, coincidindo co mercado da verdura que alí se desenvolve semana tras semana, considerado a derradeira «praza das verduras» (lugar de venda directa dos produtos hortícolas por parte das súas labradoras) que se pode encontrar en Galicia. A queda de ilustradores prodúcese co acordo da Asociación de Vendedoras de Produtos Hortícolas da Praza de Abastos de Vilagarcía de Arousa, e a situación supón unha nova oportunidade para debuxar en directo unha actividade sumamente viva e chea de colorido.
A sesión, como todas as do Clube de Debuxo, está dirixida a ilustradores, animadores, debuxantes de cómic e estudantes de ilustración. Nesta ocasión, a actividade é completamente gratuíta e non precisa inscrición. Calquera persoa interesada só ten que presentarse, co seu material de debuxo favorito, na primeira porta da Praza da Verdura de Vilagarcía (rúa Alexandre Bóveda, 9, 36600 Vilagarcía de Arousa).
Trátase da sexta sesión do Clube de Debuxo, que naceu coa intención de realizar unha práctica interesante de ilustración con outros compañeiros, ademais de crear un punto de encontro entre profesionais onde compartir experiencias e inquedanzas. Ata o de agora, todas as sesións foron situadas na cidade da Coruña (en lugares tan diversos como un ensaio da Sinfónica de Galicia, a piscina municipal do Club do Mar da Coruña ou con modelos en vivo dentro da Fundación Luis Seoane), mais a intención é que este sexa a primeira de moitas en localizacións de diferentes zonas de Galicia.
A cita de outubro do Clube de Debuxo adopta por cuarta vez a forma de sesión de debuxo con modelo en vivo na Fundación Luis Seoane (rúa San Francisco, 27, 15001 A Coruña). Será o venres 25 de outubro, de 19:00 a 21:00.
De novo, para permitir realizar un debuxo áxil, as poses do modelo serán curtas, de entre un e dez minutos, e o recomendable será moverse pola sala, malia que haberá cadeiras para quen queira.
As actividades do Clube de Debuxo están dirixidas a ilustradores, animadores, debuxantes de cómic e estudantes de ilustración. No caso dos socios da AGPI, a actividade é gratuíta, pero aos non socios nesta ocasión pediráselles un donativo de 2 euros (na propia sala), para cubrir o pagamento do modelo. Cada asistente, como é habitual, debe levar o seu propio material de debuxo. Para realizar a inscrición, só hai que cubrir este formulario en liña: bit.ly/33uZjUz. O prazo de inscrición remata o 24 de outubro. O aforo é limitado, e as prazas serán adxudicadas por rigorosa orde de inscrición.
Esta é a sexta sesión do Clube de Debuxo, e a cuarta das realizadas con modelo na mesma Fundación Luis Seoane; anteriormente realizáronse outras nun ensaio da Sinfónica de Galicia e na piscina municipal do Club do Mar da Coruña.
O Clube de Debuxo naceu coa intención de realizar unha práctica interesante rodeados de compañeiros, ademais de crear un punto de encontro entre profesionais onde compartir as nosas experiencias e inquedanzas. Ata o de agora, todas as sesións foron situadas na cidade da Coruña, mais en breve abrirase o abano de localizacións a outras zonas da comunidade galega.
O 12.º Encontro Internacional de Ilustração de São João da Madeira (sito na localidade portuguesa do mesmo nome, próxima á cidade do Porto) abriu o prazo de recepción de ilustracións para o seu concurso anual. O encontro en si será do 17 ao 21 de outubro, mais o seu concurso ten de prazo ata o próximo 14 de agosto. Do concurso selecciónanse 25 finalistas, que terán aloxamento gratuíto (hotel e comidas) durante os días do Encontro, e mais acceso gratuíto a un dos talleres de ilustración do Encontro e prezo reducido para os outros talleres; deses finalistas, escolleranse 3 premiados, que recibirán, entre outros premios, un Macbook Pro 13 (1.º premio), unha Wacom Intuos Basic e unha caixa de material artístico Viarco (2.º premio) e unha caixa de material artístico Viarco (3.º premio).
Para participar hai que enviar dúas ilustracións inéditas en formato físico e inscribirse previamente por medio de correo electrónico, achegando a documentación solicitada (formulario e imaxes do autor/a e das obras presentadas).
O xurado estará conformado polo ilustrador André Letria, o ilustrador e libreiro Francisco Vaz Silva, o ilustrador, ex-presidente da AGPI e actual presidente da FADIPSanty Gutiérrez, a ilustradora Sofia Neto e mais un representante dos empresarios de São João da Madeira. Os regulamentos completos poden descargarse aquí, e todo o resto da información sobre os Encontros pode lerse na súa web.
